BAYROG’IMSAN-BAXTIMSAN, SHON-U SHAVKATIM

BAYROG’IMSAN-BAXTIMSAN, SHON-U SHAVKATIM

O‘zbekiston Respulikasi mustaqil davlat sifatida o‘z ramzlariga egadir. Bu ramzlar qatoriga bayroq, gerb, madhiya kiradi. O‘zbekiston Respublikasi davlat bayrog’i haqidagi qonun 1991- yil 18- noyabrda   qabul qilingan. Bayrog’da aks etgan ranglar haqida nimalarni bilamiz? 
O‘zbekiston Respublikasining Davlat bayrog‘i to‘g‘ri to‘rtburchak shakldagi matoda aks etgan bo‘lib, uchta asosiy gorizontal rangdor bo‘laklarga bo‘lingan. Ular: yorqin moviy, oq, yorqin yashil. Bu bo‘laklar orasini ikkita qizil rangdagi gorizontal chiziqlar ajratib turadi.
Oʻzbekiston Respublikasining Davlat bayrogʻi ramzi mamlakat hududida ilgari mavjud boʻlgan gʻoyat qudratli saltanatlar bayroqlariga xos boʻlgan eng yaxshi anʼanalarni davom ettirgan holda respublika tabiatiga xos xususiyatlarni, xalqimizning milliy va madaniy oʻzligini ham aks ettiradi.
Bayroqdagi havorang — zangori osmon va musaffo suv ramzidir. Moviy — havorang Sharqda azaldan qadrlanadi, vaqtida buyuk Amir Temur ham oʻz bayrogʻiga bu rangni tanlagan.
Oq rang — tinchlik va poklik timsolidir. Yosh mustaqil davlat oʻz yoʻlida baland dovonlardan oshib oʻtishi kerak. Bayroqdagi oq rang Oʻzbekiston Respublikasi tanlagan yoʻlning musaffo va charogʻon boʻlishi uchun yaxshi niyat ramzidir.
Qizil yoʻllar — bu har bir tirik jonning qon tomirida urib turgan hayotiy kuch, hayot ramzidir.
Yashil rang — serneʼmat va orombaxsh tabiat timsoli. Hozirgi vaqtda butun dunyoda atrof-muhitni muhofaza qilish harakatlari keng yoyilmoqda; uning ramzi ham yashil rangdir.

Yarimoy — Oʻzbekiston xalqining koʻp asrlik anʼanalariga muvofiq keladi. Yarimoy va yulduzlar musaffo osmonning va tinchlikning ramzlaridir. Bayroqdagi 12 yulduz tasviri mukammallik belgisidir.
Bayroq qabul qilingan kun Oliy ta’lim muassasalarida ko‘tarinki ruhda nishonlanib kelinadi. Sababi, hurlik, mustaqillik sari yetaklovchi buyuk tug’, bizga  erkimizni, yagona davlatligimizni isbotlovchi belgi sanaladi. Bugun hurlik, tug’imizning 28-yilligi O‘zbekiston miqyosida keng nishonlanmoqda.  
Joriy yilning 18-noyabr kuni Toshkent shahrida “Bayrog’imiz-faxrimiz”shiori ostida  ma’naviy-ma’rifiy tadbir tashkil etildi. Unda Toshkent to‘qimachilik va yengil sanoat instituti talaba-yoshlari   munosib ishtirok etishdi.  
Tadbirni tashkil etishdan maqsad, talaba-yoshlarni vatanga sadoqat, vatanparvarlik ruhida tarbiyalashdan iboratdir. 
скачать dle 12.1

Boshqa yangiliklar

ҳ қ

Кликните на изображение чтобы обновить код, если он неразборчив
YOPISH